25 URTE BERDINTASUNAREN ALDE

Jaizkibel Konpainiak 25 urte daramatza Hondarribian Alarde parekide baten alde borrokan. Hasieran emakume talde txiki batek bultzatutako aldarria izan zen, baina urteekin indartu eta zabaldu da, Euskal Herri osoan ezaguna bihurtuz. Ez dute inor baztertu nahi, baizik eta emakumeei parte hartzeko aukera berriak eskaini eta herria aberastu. Helburua argia da: Hondarribia berdintasunaren hiria izatea, Alarde parekide, bakarra eta publikoa lortu arte.