Gizarte inklusiboago baten alde lana egitea guztion ardura da. Jaizkibelek horretan sinesten du eta helburu hori jomugatzat hartuz lanean dihardu. Horren adierazletako bat “HONDARRIBIA BERDINTASUNAREN HIRIA” saria da.
Ekimen honen izateko arrazoia, laburbilduz, honakoa da: Askorentzat, Euskal Herrian eta hemendik kanpo, Hondarribia urtean behin plastiko beltzak zabaltzen dituen hiria da. Horregatik, sari honen bidetik, Jaizkibel Konpainiak Hondarribiaren izena garbitu eta berdintasunaren hiria bilakatzen lagundu nahi du.
Sariaren xedea gizon eta emakumeon arteko berdintasunaren alde lan egin eta egiten duten pertsona eta erakundeak saritzea da.
